Schepenakte - los stuk Jan die Cremer van Ghemert Claus Noten soen was kent ende lijdt dat hi erffelic ende wittelic vercocht heeft Heren Peteren van der Straten priester inden namen ende tot behoef Michielen wittichs soens Meester Jans geheiten van Zelant van Bruessel sesse mudde rogs te betalen ende binnen Helmont te leveren Michielen voirs. uit eenre huisingen ende hove tot Jan voirs. behorende gelegen tot Helmont aen die merct e.z. erf Jans Wautgers soen van Gasselt ende Henrics Baten a.z. erf Helyaes des Cupenbijnders ende neven die straet gelike ende also verre Jan voirs. die gront ende hofstat van Heren Ghijsbrecht Baten gecregen had ende voert uit enen hove gelegen in die campstraet daer af Dappers kinderen dat wedergedeelt hebben ende noch uit eenen stuc beemts bij reyners haverlant dat Jan voirs. voermaels gecregen had van Arnt van den Loe ende jaerlics rijdt tegen een ander stuc beemts daer neven gelegen ende toebehoert Aleyten Jans Arts soens wive ende horen kinderen ende Jan voirgs. heeft die huysinge etc. Heren Peteren voirs. tot behoef Michiels voirs. tot enen sekeren onderpande geset voer die ses mud rox erfpachts ende dat onderpant heeft Jan geloeft te weren voer die ses mud voirs. van allen anderen voircommer sonder van den chijnzen van den grondeende sonder neghen lopen rogs die men uter huysingen jaerlix sculdich is te gelden. Arnt Orssen - schepen Willem van Eyndhouts - schepen 1 mei 1424, 1420/1429